التلفون بيرن …
الطفلة : ألووووو
صديقة الأم : ألوووو مرحبا
الطفلة : أهلين:
صديقة الأم: وين الوالدة ؟
الطفلة : ماعندنا وحدة والدة.. … .
صديقة الأم :… كم عمرك يا شاطرة؟؟
الطفلة : وشو عرفك اني شاطرة…
صديقة الأم: تضحك وتقول .. مبين عليك خفيفة دم..
الطفلة : انت الي خفيفة دم…لا تقولي عني هيك.
صديقة الأم: مبين عليك زغيرة؟
الطفلة : انا اطول منك……
: صديقة الأم طيب يلا اعطيني ماما…
الطفلة :ليش أمك موجودة عنا؟
صديقة الأم: خلص نادي امك…
الطفلة : ماعند أمي نادي..
صديقة الأم: الله يصبرني…
الطفلة : يصبرك مع شوك ولا بدون شوك؟
صديقة الأم: تصرخ ” اعطيني حدا كبيرررر”
الطفلة : كبير , بالحجم ولا بالطول ولا بالعمر..
: صديقة الأم اعطيني واحد برميل أتكلم معو
الطفلة : استغفر الله العظيم تتكلمي مع برميل.. بس البرميل جماد
صديقة الأم: لو أجيك قطعتك مثل البطاطا
الطفلة : بطاطا مسلوقة ولا مشوي بالفرن؟
صديقة الأم: احسنلك اسكتي لانك زعلتيني.. :
الطفله : مين الي زعل تيني؟ وليش التين اصلا بزعل؟
صديقة الأم: يكفي زودتيها عاد ..
الطفله : وين عاد الى بيته ؟
صديقة الأم: اه الى بيته .. مبسوطة..
الطفلة : الصراحة مش مبسوطة .. في شيء مزعلني
صديقة الأم: تصرخ باعلى صوتها.. ” وين الوالــــــدة ؟؟؟ “..
فتاخذ الام التلفون من الطفلة ..
وتقول الووووو.. مين معي..
صديقة الأم: واو .. وشو هالبنت طلعت لي قرن براسي..
الام : قرن شو , قرن الغزال ولا قرن موز..
صديقة الأم: دايما رايقة وتحبين تمزحين .. اطلعتلي قرن ثور …
الام : شو حجمه الثور؟
صديقة الأم: تغلق السماعة.. وتذهب الى بيت صديقتها.. ترن الجرس…
فتقول الام للطفلة : شوفي مين على الباب…
تركض الطفلة للباب , تجيب كرسي وتطلع عليه ثم تنظر الى اعلى الباب وتقول مافي حداعلى الباب في وحدة وراه..
فتقول الام : خلص خليها ترن على الجرس لما تتعب
الطفلة : اي جرس؟ جرس المدرسة؟؟؟
الام : لا جرس الدار..
الطفلة : جرس دارنا هادي ولا الدار الجديدة الي بدنا نبنيها..
الام : لا جرس دار الجيران..
الطفلة : ليش في عند الجيران جرس وحول واركب على الفرس..
وعلى هالموال ….. ليل نهار
الأحد سبتمبر 14, 2008 7:49 am
